Burimet
Të dhënat i zgjedhim, i bashkojmë dhe i paraqesim me fjalët tona. Për ASK dhe disa raporte origjinale, e drejta e përdorimit tregtar nuk është konfirmuar shprehimisht.
| MET Norway, Locationforecast Parashikimi orë pas ore dhe ditët 1–9. |
| ECMWF IFS (open data) Ditët pas MET Norway deri te dita e 15-të, refolet e erës dhe gjasat për reshje; për majat dhe qafat edhe temperaturat në lartësi, dukshmëria dhe bora në tokë. |
| Open-Meteo (open-source server, open data) Serveri ynë për modelet ECMWF, CAMS dhe detare; API-ja publike falas nuk lejon faqe me reklama. |
| Copernicus CAMS (European regional ensemble, global) Parashikimi i cilësisë së ajrit, polenit (6 lloje) dhe pluhurit nga Sahara për 4 ditë, dhe indeksi UV. |
| Modelet detare në Open-Meteo (Copernicus, DWD, ECMWF, Météo-France) Temperatura e detit dhe valët vijnë nga zgjedhja automatike Best Match; modeli konkret mund të ndryshojë. |
| EEA, Bathing Water Directive: status of bathing water Klasifikimi zyrtar vjetor i BE-së për cilësinë e ujit në pikat e larjes në bregdet (4 sezonet e fundit). |
| Copernicus ERA5 Mesataret klimatike 1991–2020. |
| NOAA OISST v2.1 Temperatura mesatare e detit sipas muajve. |
| EMSC, Euro-Mediterranean Seismological Centre Tërmetet me magnitudë 2 e lart, përditësuar çdo orë, për 5 vitet e fundit. |
| USGS Earthquake Hazards Program Tërmetet, vetëm kur EMSC nuk përgjigjet. |
| NOAA Aviation Weather Center (aviationweather.gov) API-ja shpërndan raportet METAR dhe TAF të Rinasit e Prishtinës; raportet origjinale mund të vijnë nga shërbimet kombëtare. |
| Natural Earth Kufijtë e shteteve në hartën e tërmeteve. |
| Wikidata Koordinatat dhe lartësitë e majave dhe qafave malore. |
| Copernicus DEM GLO-90 Kontrolli i lartësive të majave e qafave dhe disa lartësi të përcaktuara nga modeli; burimi dhe ndryshimi shënohen më poshtë. |
| OpenStreetMap Rruga që përdorëm për të gjetur pikën më të lartë të dy qafave. |
| GeoNames Emrat, koordinatat, lartësitë dhe disa popullsi; kemi zgjedhur e përpunuar të dhënat. |
| ASK, Regjistrimi i Popullsisë 2024 (Kosovë) Popullsia e qyteteve dhe fshatrave nga tabelat e ASK 2024; kemi zgjedhur e përpunuar të dhënat. |
| INSTAT, Censusi 2023 (Shqipëri) Popullsia e njësive administrative nga Censusi 2023; nuk ribotojmë publikimin e plotë. |
| IGJEUM / IGJEO, buletini i rreziqeve natyrore Buletini zyrtar për Shqipërinë; ne e lexojmë automatikisht dhe e përmbledhim sipas qarkut. |
Shënime për citimin
Data from MET Norway. Contains modified Copernicus Climate Change Service and Copernicus Atmosphere Monitoring Service information. Generated using E.U. Copernicus Marine Service Information. Weather forecasts are combined and summarized by Moti; they are not official notices.
Tërmetet nga shërbimi FDSN i EMSC përzgjidhen dhe lidhen me vendbanimet nga Moti. Klasifikimet e ujit nga EEA i përkasin sezonit të fundit të raportuar, jo ditës së sotme. Popullsitë nga ASK 2024 dhe INSTAT Censusi 2023 janë vlera të përzgjedhura dhe të përpunuara nga Moti.
produced using Copernicus WorldDEM™-90 © DLR e.V. 2010-2014 and © Airbus Defence and Space GmbH 2014-2018 provided under COPERNICUS by the European Union and ESA; all rights reserved.
The organisations in charge of the Copernicus programme by law or by delegation do not incur any liability for any use of the Copernicus WorldDEM™-90.
Si funksionon
- Çdo orë shkarkojmë parashikimin e MET Norway për çdo vend, të llogaritur për lartësinë e tij.
- Ditët që MET Norway mbulon plotësisht (zakonisht 9) vijnë prej tij; ditët pas tyre, deri te dita e 15-të, vijnë nga ECMWF. Ditët 11–15 shfaqen vetëm si tendencë.
- Nëse një burim nuk përgjigjet, tregojmë të dhënat e fundit të vlefshme me orën e përditësimit; pas 24 orësh tregojmë vetëm klimën.
- Mesataret klimatike janë për periudhën 1991–2020 nga ERA5; ato e zbusin pak ekstremet krahasuar me stacionet.
- Cilësia e ajrit, poleni dhe pluhuri janë parashikim i modelit CAMS (rrjet rreth 10 km), jo matje stacionesh. Nivelet ndjekin indeksin evropian të EEA dhe kufijtë e polenit SILAM/CAMS; nivelet e pluhurit janë vlerësimi ynë.
- Tërmetet vijnë nga EMSC çdo orë (nga USGS vetëm kur EMSC nuk përgjigjet). Tregojmë tërmetet deri në 30 km nga një qytet ose fshat i Shqipërisë a i Kosovës, si dhe ata nga M4 e lart deri në 100 km nga kufiri (të shënuar me shtetin ku ndodhën), dhe secilin e caktojmë te qarku ose rajoni i vendbanimit më të afërt. Sa larg është ndier një tërmet është vlerësimi ynë i thjeshtë nga magnituda dhe thellësia.
- Vlerësimi i ditës për plazh (0–10) është i yni, nga temperatura e detit, valët, era, ajri, shiu, retë dhe UV-ja e parashikuar. Cilësia e ujit është klasifikimi zyrtar vjetor i BE-së (EEA) nga provat e verës së kaluar, jo gjendja e ujit sot.
- Për majat dhe qafat malore parashikimi llogaritet për lartësinë e tyre të vërtetë. Dita për ecje në majë dhe rreziku në rrugë (borë, akull, mjegull, erë) janë vlerësimi ynë. Lartësinë e ngricës e llogarisim nga temperaturat e ECMWF në lartësi. Në Shqipëri dhe Kosovë nuk ka shërbim zyrtar për ortekët, prandaj nuk japim rrezik ortekësh; për mbylljet e rrugëve nuk kemi të dhëna.
- Të vetmet matje në faqe janë ato të aeroporteve të Rinasit dhe Prishtinës (raportet METAR, çdo 30 minuta), të cilat i kthejmë në fjalë të thjeshta. Nuk i tregojmë vlerat kur raporti i fundit është më i vjetër se 3 orë. Numrin e ditëve me mjegull sipas muajve e llogarisim vetë nga raportet që kemi mbledhur.
Njoftimet "Kujdes"
Njoftimet dalin nga parashikimi ynë për 5 ditët e ardhshme: vapë ≥ 37°C, shi ≥ 40 mm në ditë, erë me shpërthime ≥ 70 km/h, borë në vende të banuara, ngricë ≤ -10°C dhe UV ≥ 9. Nuk janë paralajmërime zyrtare dhe mungesa e njoftimit nuk do të thotë se nuk ka rrezik.