Çfarë gjeni këtu
Parashikimin për çdo bashki të Shqipërisë dhe çdo komunë të Kosovës, për plazhet, malet dhe disa vende turistike: tani, sot, nesër dhe për 10 ditë, me tendencën deri në ditën e 15-të. Për çdo vend ka edhe klimën sipas muajve, temperaturën e detit në bregdet dhe, për fshatrat, një parashikim të thjeshtuar. Shqipëria dhe Kosova kanë faqet e tyre kryesore: Moti në Shqipëri dhe Moti në Kosovë.
Si bëhet parashikimi
Parashikimet krijohen automatikisht, jo me dorë. Çdo orë shkarkojmë parashikimin e Institutit Meteorologjik Norvegjez (MET Norway) për ditët e para dhe modelin ECMWF, nëpërmjet serverit tonë Open-Meteo, për ditët më të largëta. Mesataret klimatike vijnë nga të dhënat ERA5 të programit evropian Copernicus për vitet 1991–2020. Të gjitha burimet, licencat dhe mënyra si i bashkojmë janë të përshkruara te Burimet e të dhënave.
Për Shqipërinë shfaqim automatikisht buletinin zyrtar të rreziqeve natyrore të IGJEUM-it. Për Kosovën japim vetëm njoftimet tona "Kujdes", të nxjerra nga parashikimi, dhe i shënojmë qartë si jozyrtare.
Çfarë kontrollohet me dorë
Parashikimet nuk ndryshohen me dorë. Me dorë kontrollohen emrat e vendeve dhe trajtat e tyre në shqip, koordinatat dhe lartësitë, tekstet që shkruhen me dorë për qytetet, fjalitë që faqja formon automatikisht nga të dhënat, si dhe nëse burimet po përditësohen rregullisht. Kur një burim vonohet, faqja e tregon këtë me ngjyrë portokalli pranë orës së përditësimit; pas 24 orësh parashikimi fshihet dhe mbeten vetëm të dhënat klimatike.
Pse u krijua
Sepse moti duhet të lexohet shpejt dhe në shqipe të rregullt, edhe në telefon me internet të dobët. Faqet janë të lehta, pa reklama që mbulojnë tekstin dhe pa regjistrim. Kosova ka faqen e saj, me emrat shqip të komunave dhe fshatrave.
Na shkruani
Nëse gjeni një gabim në emrin e një vendi, një fshat që mungon ose keni një pyetje, shkruani në [email protected]. Më shumë te Kontakt.